شو حلو اتخيّلَك تحكي
2022.02.18
علم عبد اللطيف:
شو حلو اتخيّلَك تحكي
وقلّك صحيح وصار
وتْكمّل ب إشيا كتار
وتقول
مرّيت حدّ البيت
وتكون ما مرّيت
وقول انك جيت
واني لمحت الشال
ع كتفك من يمين
ويمكن.... ع الشمال
وصدّق بأنو انرشُ
كمشة عبق من وشّ
ولو كان كلّو غش.
تصوّرتْ يمكن...
إيدي شبّكت ايدك
تمنّيت وقتها صِيدك
ونسيت اذكر..
كنت تريدني..
متل ما ريدك؟.
وبقيت كل الوقتْ
اسمع مَشْيِتكْ
ت قلت اني فِقتْ
وحتى سمعتك قلت...
منيح انو نْطَرت
الحين مو كذب
اي.. صحيح
انا جِيتَكْ.