محمد قرفول-فينكس:

عيونك مدى

مفتوح للكلمة

وشفافك بتعصر ورد

مدبوح

تا أقطف حروف الغزل

حلمي

أزرع على شفافك يا وردة 

روح

ويفيق عطرك

دالق غناجو

عا صدر خبا من البشر

عاجو

خلّي إلو زر الصدر مفتوح

عطشان

يشرب من ندي مفتون

يسكر محبة

وصدرك المجنون

يحضن نهر

عم ياكل دراجو

مجنون صدرك

والنهر مجنون

ع الضفتين الورد

كلّو عيون

وخصور زنبق

بالغوى ماجو

وصفصاف

فالش ع النهر ظلو

يهمس ب إدن النهر ويقلّو

خلي خصور الورد

يتسلو

يا غبنك تخلي الورد

مشلوح

اتركلي الورد يا نهر

دخلك روح..!!!