عجنة حنين
2022.07.03
محمد قرفول- فينكس:
عيون تعبها السهر
شو بخاف نام
واتركك
ويمرق على غفلة القمر
يغافل عيوني ويسرقك
رح ضل
ع حدود الوعي
زيح النعس
باصبعي
امسح عن عيوني الخدر
وبوسات رمشي يغرقك
وبين الصحو وبين الغفا
غطيك بشراشف وفا
نهدات روحي بتنزفا
شو بخاف
نارا تحرقك
حساس جسمك يا حلو
بالعطر الله جابلو
من وقت ما خلقك
جاب العطر
من منهلو
وجاب الورد
من مشتلو
وبمعجنو دلقك
وخمّر العجنة بالحنين
عليها نطر كومة سنين
وعن كل خلقو الباقيين
رب السما فرقك
سبحان مين خلقك..!