فارس الشعر
2022.07.18
محمد قرفول- فينكس:
فارس عم أرمح ع حصان
كتير مشهور بقفزاتو
والشعر كتبتو قصدان
غلبت المتنبي ذاتو
مشهور وحرفي مشهور
شاعر بتطيعو الكلمة
الفكرة بتْلفْ وبتدور
وما بتخلق إلا بعلمي
والمتنبي لما يفور
بمحرابي ويعمل زلمي
بيرجع والخاطر مكسور
ويقعد يحصي خيباتو
لا قبلي في شعر انْقالْ
ولا بعدي شعر يقولو
مميز وبكل الأحوال
فكري العالم شهدولو
صورة وموسيقا وشلال
بيغني عند نزولو
ولما أطلع بالموال
الناي بيكسر قصباتو
كلما خيالي يرف الطرف
بيزرع حرف بيقطف حرف
بيغرف من الهامي غرف
الشعر يدوخ بشرداتو