موسم مأّخّر
2022.10.10
محمد قرفول- فينكس
بحبك بحبك كيف ما كنتي
يا خمرتي ال بالكاس ختيرتي
ومتل م تخمّر حنيني وطاب
بكم الورد انتي تخمرني
وتجمعو ع الموعد الأحباب
زرار فل وعطرهن انتي
فلشتي العطر فوق الزرار حجاب
وقلبي احترق عا نار مجمرتي
شعّلت شمعة من نهيد الباب
لما افتحتي الباب وادخلتي
المفتاح من شوقو عليكي داب
ولما على باب القلب صرتي
شهقة شْهَقْتِكْ يا عطر جذاب
وتشردقت فيكي يا سوسنتي
وبلوزة ال صارت بقايا تياب
زغرت عليكي عند م كبرتي
ولما على أمو استوا العناب
وصفحة بكتاب الحب سَطّرتي
الرمان من كل المواسم جاب
ومرمر وعاج بصدرك اغمرتي
تأخر الوعد وموعدك كذاب
ليش يا روحي تأخرتي ؟!
لقيتك وقت صار العمر ع غياب
وحبيتك كبير وحنيني شاب
يااا ريتني لقيتك بأولتي..!!