لا تكابري
2022.11.09
محمد قرفول- فينكس
لا تكابري!
المكابرة خطرة
والحب بقلوب البشر فطرة
زر وردة
ناطرك تسقيه
ت يفتّح ويفلش العطر ال.فيه
لا تتركي القلوب منفطرا
طوفي شتي
خلّي الشتي يرويه
عشب القلب بيطوف من قطرة
وبيفتح عيونو
ع موسم تقطفيه
لا تنطري
يمكن م.في بكرا!
وشفافك بتكتب حكي
وتمحيه
دوشة حروف
مضيّعا سطرا
بصدرك عشق مفضوح لا تخبيه
وقلبك خفق ما بتقدري ترديه
صعبة الوردة تحبسي عطرا
يمكن عبكرة موعدك تنسيه
ويمكن يا سمرا
ما يجي، جكرا
لا تكابري
بكرا اذا خسرتيه
من بعد ما يتعب من النطرة
رح تندمي
وضو الأمل تطفيه
وتدّوري بلهفة على قوافيه
تروح سكرة وترجع الفكرة
ويضيع من ايدك
مع السكرة..!