ناطرا حروفي
2022.11.17
محمد قرفول- فينكس
بعرف يا سمرا
ناطرا حروفي
وبتفرحي لمّا بتقريني
تلمي غلال
و بيدر كفوفي
يقطفلك العنقود تشريني
و بكل حبة شوق
بتشوفي
لون الشمع دايب
متل عيني
يقطّر دمع
و رموش ملهوفي
تعبيلك الدمعات قنينة
و نشرب نخب وردات
مضيوفي
من نحل عبّا جرارنا مونة/ي
وصب كاسين وأنا وحدي
كاسة إلي
وانتي إلك وحدة
طيفك معي وخيالك ،
ضيوفي
واشرب من الكاسين
عنك دين
تقولي يا ولفي
كترت ديوني
ولولا نويتي دينتك توفي
شفة من شفاف الحلا
اسقيني
وبسامحك يا روح بديوني
غير خمرك ما بيرويني..!