كعبة شعر (زجل قرادي)
2022.11.26
محمد قرفول- فينكس
لمّا عليي الشعر يطوف
كعبة الهام بصفّي
وبيطوف العطر الملهوف
بالكعبة بطهر وعفة/ي
حروفي سر وشعري در
والمقلع من أفكاري
العطر الحر ال ما بيدر
غير م تفتّح أزراري
كلما بوردة يفتّح زر
عيار العطر من عياري
ولما يمر عْلا الْ مصفّر
اليابس أخضر بيصفّي
حطو شعري بالميزان
والاحساس مقابيلو
وصارو من الورد الفتّان
كوام من العطر يشيلو
وموسيقا وشعر والحان
والنسمة عم تحديلو
من روحي اسكبت الألوان
بشعري رجحت الكفة
ولفي عليي لما يغار
وخدو من الشوق يندّي
بيخفق قلبي ليل نهار
وخفقاتو ما بتهدّي
لما بحضور الشعّار
بكل خفقة بتخلق ردة
ع الردة خصور الأزهار
ترقص عا نقرة دفي