ساكن على شط البحر
2022.11.28
هاني حسن- فينكس
ساكن على شط البحر
هالقلب من مدة
وكل ماسرحت بهالفضا
بيغلي الرمل حدي
بعيش السكون
وحروب مع آهات مرتدة
لك وين ياشراع الدني
رايح إنت
لك وين ياهالدرب بتودي
كل مادخلت
بخاطري ذكرى عشتها
بهالعمر
متل الجبان بيرتجف خدي
وبصير غطي ذكرياتي
من الخجل
خجلان حتى قول شو بدي
بكتب قصيدة
من فصول روايتي
كلمة معي وكل الحروف
الباقية ضدي
أنا كيف بدي فوت
ع بيوت العشق
صلح قلوب مكسرة
ومافي معي عدة
أنا كيف بدي
قول إحساسي بصدق
والخوف من كل شي
إعتنق ... ردي