ياليل عتم عالفقير
2022.12.21
شمس الدين سعيد- فينكس:
ياليل عتم ع الفقير يلملم جراحو
خجلان يعلن جوعتو ويحكي ويشتكي
الا لرب العرش ويكون الدعا سلاحو
ليش الفقير يعيش عمرو بالليالي الحالكه
كأنوطير مرمي من السما مكسر جناحو
عايش غريب بموطنو بقلبو البكي
عزة نفس عم تمنعو يعلن صياحو
خجلان وتيابو عتيقه مرقعه ومستهلكه
متل السجين البريئ وأطلقو سراحو
تعبان ضد الجوع خايض معركه
مهزوم ع الارض ارتمى وسلم سلاحو
منبوذ مافي حدا يسمعو شو ماحكي
وحدو بقي عنو البشر لبعيد راحو
والشيخ الغني جايبلو خطبه مفبركه
تايوعدو بجنه ويجني مع التجار ارباحو
معو سيارتو الفخمه ومعدتو ملبكه
يشكي من التخمه وغطى جبهتو وشاحو
عندو حصانه وباني لحالو مملكه
عندو قصر من عاج حاصل ع مفتاحو
عم يدعي بين البشر انو ذكي
والمجتمع فاسد وهوي سر اصلاحو
ليش الغني مرتاح وع الأريكه متكي
بطران فاير بالغنى عم تسكر قداحو
قاعد بسيارتو كأنو بيك بعلبكي
وكلبو مدلل من الشباك عم يصدر نباحو
وين العدل ياناس شو نفع الحكي
الفقير ازداد جوعو والاغنيا ارتاحو