شهد المملكة
2023.01.12
محمد قرفول- فينكس:
لما بيشهق الشعر بخيالي
وشوف الكون ضيّق عا مجالي
بأيدي بمسح الفانوس منو
بيطلع مارد بيوقف قبالي
بخشوع بينحني وبيبان سنو
تحتو بساط ت يودي رسالة
قلي كتار من قبلك تمنو
على جناحي يطيرو للأعالي
تعا تا آخدك مشوار كنّو
ع بالك تقطف نجوم الليالي
قلت يا رفيق حد السيف سنو
اعتدوا ع الشعر كتّاب الجهالة
تعا ت نْشَحّلْ الدالة لأنو
الغصون اليابسة بدها شحالة
أنا شاعر واخصامي استنو
عني يقطفو العنقود حالي
عناقيدي أنا جوهر كأنو
على سطح المجرة زرعت دالة
غيوم تغب من خمري ودنّو
طاف الدن من دمع الدوالي
شتّو مواسمي وجنون جنّو
وسكبو وحي تا يروّوا الحقالي
وعند ما زهّر البستان حنو
ومتل النحل من عطري يجنّو
شهد المملكة تركتو لحالي..!