مل العطر
2023.01.19
محمد قرفول- فينكس:
ملت حروفي
ال عم تكرر حالها
تحكي عن العطر
وعن زهور الربيع
والناس متلي
كتير شاغل بالها
تلاقي دفا
بمواسم ال كلا صقيع
يا برد
رح تقضي على آمالها
ولا مين يسأل
هم، بيطال الجميع!
لا أم حضنا عم يدفي عيالها
وال بَي ضاق عليه
هالكون الوسيع
دخلك يا ربي
بلادنا شو صابها
قهر وتعب من بابها لْمحرابها
ومسكرة ع الناس
كل بوابها
ما ضل إلنا بهالدني
غيرك شفيع
يا ارب لو تتلطف بأحوالنا
وتشمل رحمتك
اهلنا واطفالنا
عم نشتكيلك
انت داري بحالنا
الشكوى إلك يا ربنا
وأنت السميع..!