معقول
2023.06.13
سميرة عيد- فينكس:
معقول قولكْ يازَمَنْ بتْجووورْ
وتسرق حلا الأيّام من يدّي؟!
وماعاد راح أسمع صَباح النّورْ
ولا تسكب الوردات عا خدّي
وعَ سطوحنا مش من كتير شهورْ
اغزلتْ النّدي فساتين عا قدّي
من يوم كنّا حدّ هالتّنورْ
بخبز الفرح أوجاعنا نهدّي
وكنت الأميره بتاج من بخّورْ
اشتدّي ياأرضي ماحدا قدّي
أنطر ع شبّاكي تها العصفورْ
يشلح اخبار الليل ع مخدّة/ ي
وأمي الحنونة بيدها لْفطورْ
من كلّ صنفْ ولونْ لا تعدّي
زغاليلْ كنّا والزَّمان سرورْ
ولا في جفا ولا قْلوب محتدّة/ ي
بغفلةْ/ ت زمنْ كبرو صَبايا الحورْ
وتفرّقو وماعاد في وحدة /ي
واليوم شكلا تبدّلتْ لأْمورْ
أهلي اشتاقوا كتير لا جدّي
وبقيتْ صورهُنْ ع لْمراية تزورْ
أحلامنا بدعوات ماتهدّي
واليوم قلبي صابرْ ومقهورْ
ماعاد نلعبْ طاوله و شّدّة/ي
وياحسرتي عَ لْورد ولْمنتورْ
مات الطريق، وتاهتْ الرّدّة/ي
صرنا غراب نهددّ النّاطورْ
لا كروم لاعناقيد مسودّه/ي
تخمين ضعنا بزحمةْ/ت مواعيد
والآااه لا سابع سما توَدّي