ما بعاتبك
2023.12.09
محمد قرفول- فينكس
ما بعاتبك
وحياة عينك
يا حلو
قلبي معك
روح اصطفل منك إلو
ما بعاتبك
بتقول كلشي عاجبك
وبتضل روحي
تسمعك
والشوق بعيوني مَلو
لا تظن يا ولفي
العتب مرغوب
لا تصدقو
إنو غسيل قلوب
هم العتب
كتر المحبة تاعبك..!
لما العاشق يا حبيبي
يدوب
بينسج حنينو شراع
فوق مراكبك
وبيضل حدك
يسمع موشح
كل صبح
ٱوّل فَيْقتك عيدو
رش العطر
عَ.الورد المفتّح
وشوف الورد
شو بيفرح بعيدو
صوتك غنج
خمنتك مرشّح
فيه غِنّة/ي
حلا بتزيدو
وبيصير يسكب شهد
عَ. المطرح
يعتب عَ.قلبي
وما يردّلّّو
من فرحتو
ينسى العتب كلّو...!!