كمشة ندي
2023.12.19
سميرة عيد- فينكس
يمكن على شبّاكها
طيفو مرَق..
بكمشةْ/ت ندِي وقصْدان
بلّورا رشَق
وغار الصّمت من تمّها
ونادى الصّبح
تيزنّر النّسمات
والورد اشتلق..
وتشعْلَقِت...
و من عطرها جنّ القمر
يغزل ع إيديها صور...
ويمكن حكي عشّاق
وغناني سهر...
ياحلوتي ياحلوتي بكّير
تيجنّ الهوى ياخد معو
مراسيل ويجبلِك خبر
يرشرش على عيونك
حكاوي مطعّمة بلون الحبق
وياما على شبابيكك
الحلوة انتظر..!
يسرق قُبَل من خدّك
الخجلان ويهربْ قبلْ
ما يفسّد عليه القمر..