منبر عم يعن (قرادي)
2024.03.23
محمد قرفول- فينكس
حضرنا (ندوة شعريي)
طمعنا بكلمة سحريي
سمعت المنبر عم بيعن
وقلي تَقَلْتو عليي
قديش مفرّخ شعار
يا شحاري ويا دلي
ع المنبر بيطلو غمار
وبالسلة شحيحة الغلة
لا موسيقا ولا افكار
ولا في عطر ولا طلة
ولا فيه عراوي ولا زرار
ولا شجرة علينا تفيي
في مين بيكتب موزون
مفكّر حالو المتنبي
ما بيعرف للشعر عيون
ما فيها السحر تخبي
او فكّر حالو (المجنون)
تلطّف فينا يا ربي
يا غبن الكلمة ال بتهون
(والقامات) المحنيي
وشعّار بتكتب محكي
شو كترانة هالركة
بدينتهن بدن فركة
وعا حالن يصحو شويي
المنبر عم يبكي ويقول
تَقَلْتو عليي خطيي..!