منارة فينكس

محمد قرفول

قصيدة بعنوان (منارة فينكس) من عدة قصائد القيتها السبت27/3/2021 في فندق (رويال ان) بطرطوس بمناسبةانطلاق. موقع فينكس الاخباري بحلته الجديدة برعاية اتحاد الصحفيين السوريين وحضور رسمي وفعاليات اقتصادية وثقافية ولفيف من الكتاب والصحفيين ومراسلي وسائل الاعلام المحلي والعربي بدعوة مشكورة من الاعلامي الممير الاستاذ أُبي حسن مؤسس ورئيس تحرير الموقع..

يا آلهة الشعر ع الحفل طلي

افلشي ع بيادر الالهام غلة/ي

بموسم حب عا فينكس جايي

غمار غمار تا عبي السلة

يا موقع بالعلالي صرت راية

بسما الالهام يا راية اتعلي

بمحراب الفكر والحرف آية

وانا جايي بهالمحراب صلي

حامل روح من عين العناية

ومن زرار الربيع زرار فلة

يا موقع ما بتحتاج الدعاية

صيتك ذاع والدنيا مملي

بنات الشعر هديوك العباية

لبستا ، وصرت للكلمة مراية

انشالله تحرسك عين الرعاية

وتبقى للفكر نورو المجلي..

ع بيتك طلت الكلمة زيارة

يا موقع انت للكلمة منارة

أنا فكري ببستانك تهنا

باحساس الدفا وطعم الحرارة

من ورودك نحل مشتاق جنّى

الرحيق ال فاح من روحو بغزارة

وعلى كتاف النسيم العطر غنى

مواويل الندي ال كلا نضارة

وشهقة روح من قلبي المعنى

تعمد بِ ارض نور وطهارة

خلق الحرف من نهدة وتمنى

من فينكس توصلو إشارة

وتجبر خاطرو بكسرة معنى

نقية متل شهقات العذارى

وإدارة ناجحة فينا ومنا

على حب الوطن كلن غيارى

تخبر هالدني شو صار عنا

تبلسم جرح غاير في وطنا

وجروح القلب ، يا نعم الإدارة

يا موقع همك بسحر القوافي

فتحت للكلمة الحلوة مضافة

جايي زورك وهني بربوعك

يا موقعنا الحلو عليك العوافي

شذا فينكس طالع مع طلوعك

عطر فتان عا كل الفيافي

انشالله بتغمر الدنيا بسطوعك

يا حامل للشعر روحو بلطافة

وتبقى منورة العالم شموعك

وتبقى للفكر رمز الحصافة

انت بالحرف والكلمة ولوعك

يا تمتمة الصلا برجفة شفافي

إلا ع الحلا ما انكسر جوعك

شرابك شهد من تفكير صافي

بمحراب الفكر هيبة خشوعك

لغير الرب ما بتعلن خضوعك

يا عاطينا الدفا بحضنك الدافي..