ميجنا وعتابا
2024.09.15
محمد قرفول- فينكس
؛؛؛؛؛؛؛؛؛؛ميجنا وعتابا؛؛؛؛؛؛؛؛
يا ميجنا يا ميجنا ويا ميجنا
قلبك كبير، وضيّق عليي أنا!
سكبتي الدفا ع.الارض كلا وتختي.فَيْ
جسمي ع.بعدك يا حياتي تخ ت.في
قبري، عضامي ما بقى تطيق الفنا
حبيبي طل ما في يوم بطّل
شروقو وحمم الوردات ب.الطل
عليي وقت يا محبوب ب.تطل
ورودي بتزهر ويرقص الباااب
*****
مقصودة:
ادّعى شاعر وجودو بالطليعة
وبعدو طفل بتياب الطليعة
ضروري يترك الشعر ومجالو
مع حروف الشعر يعمل قطيعة
وحضر بالامسية صحابو وعيالو
وصارو يزقفولو عا دلالو
ما عندو بالشعر صورة بديعة
وصل ع الاتحاد وشاف حالو
ويمينو ما قدر يقنع شمالو
بقي ع المنبر يغني لحالو
وبحور الشعر ع شفافو صريعة
بنظم الشعر ما بينفع جمالو
ما فيه ولا نجم بالسما طالو
زهيد الفكر ومسطّح خيالو
وبيوتو مكسّرة، بصورة فظيعة
مهما بالشعر صالو وجالو
شعرو كتير واضح اعتلالو
لا بيو البحتري ولا الزير خالو
وعندو الموهبة طفلة رضيعة
حرام يعذب الطفلة الوديعة..!