عيون غدارة
2024.11.11
محمد قرفول- فينكس
تبقي وقفي
مطرح م.كنا واقفين
وكان الخجل
عاملك ستارة
ولا تعرفي يا حلوتي
من عند مين
فاح العطر
يعملك زيارة
وصار يعرق
ع.الرموش الناعسين
يفضح حلا العينين
وسرارا
تخمين وردة
عاشقة الخدين
فاقت ع.كرسي الخد
يخزي العين
وصارت ع.مهلا
تفتّح زرارا
وصرتي
كٱنك ناطرة كلمة
وتتشردق حروفا
على شفافي
ويدفق ع.كتفك
شعرك الظلمة
تلمي الشعر
من عتمتو تخافي
بغفلة ن.مرق يا حلوتي
حلمي
من دون موعد
ٱو بلا علمي
تنشر خبارك للدني
جارة
عيونا يا روحي
كتييير غدارة...!