ياحسرتي
2025.01.25
زينب عبود
يا حسرتي
مات الورد بجنينتي
ناطر فرح آذار
والعيد
حتى العيد
طعمو انسرق
والبال شو محتار
ما ضل في عندي صبر
والدار تحكي سرار
وينو الفرح
خبيت اسمو عالسكت
بلكي لفي عالدار
عندي أماني بكتبا ووعود
وعيون تمحي بالأسى أقمار
طعم الحكي عالتم متل الهم
ودموع تبكي عالهدا الزوار
سافر حبيبي ما بعت مكتوب
ودّع عيوني وما تركلي خْبار
وحدي أنا صليت حتى ينام
بهاك المدى والقلب ما ينهار
واليوم بعد الدمع
رح نكتبو هالعهد
ويشهد عليما بهالمدى الجبار
حبي وحبك يا وليف الروح
قصة تغرد للهوى أشعار
وما ضل عندي بعدها حكايات
يا قلب صبرك هاد يلي صار