جنون شاعر
2025.02.08
محمد قرفول
أنا شاعر ومجنون بمجالي
يميني بتكتب بتنسى شمالي
اذا جربت اكتب شي قصيدة
ع فكري تزاحمو نجوم الليالي
وصارو ينزلو جوهر ع ايدي
ﻵلي مكدسة فوقا ﻵلي
معاني رايقة يكتب نهيدي
كأني مسلطن و م اكتب لحالي
واذا بتمر شي فكرة فريدة
مرور البرق عا وسعو مجالي
أبعد نجم يبقى طوع ايدي
مهما يكون فوق ال فوق عالي
أنا الخمرة أنا الفكرة الشريدة
بيي الوحي والالهام خالي
بعصر خمرتو، خمر النبيدي
الكرم عشقان والعنقود حالي
وبشرب من دموعو يوم عيدي
وهوي يقول : لعيونك ي غالي
كرمي طوّف الدم بوريدي
دمي نبيد أحمر عم يلالي
لما بخمرو بزوغة نشيدي
تعتق متل م بعتق قصيدي
مهما كتبت ما بينقص رصيدي
وغير الشعر ما بيخطر ع بالي..!