ليش هاك العاصفه.. صارت سكوت!
2026.02.07
أسعد السبعلي
... بلبل، عاغصنك يا دني تنقّل وطار
مدري لوين؟ مين البيعرف وين صار؟
اللي منعرفو، غنّى المحبّه بهالدني
وعطشان قلبو.. عاشهن هالكم سني..
وكان معنا.. وما بقي معنا الكنار!
ليش هاك العاصفه.. صارت سكوت!
وبقيت الزهره.. وزارع الزهره يموت!
قالو: الزرعها خالد خلود الدهور..
كلمه كتبها الضعف.. لوّنها الغرور!
من بعد ما روحي بنسمه تطير
لمين العطا، والحب والتقدير؟
اعطوني بحياتي زرّ ورد زغير
ولا فوق قبري تزرعو جنينة زهور! (...)
....
أسعد السبعلي، في رثاء الشاعر الكبير كابي حداد..