نقلة كنار
2026.04.29
أسعد السبعلي
(مهداة إلى الأحبّة الغائبين: نزار قباني، ميشال طراد، إيليا أبو شديد..)
"رياح وشتي والشمس غابت هالنهار
والباب لو ما نسنّدو بالمخل طار!
وعا شط جونيه التلج ربع دراع صار!
راهب وشاعر * للصلا أخدو قرار
يزورو "حريصا" ويركعو بهاك المزار..
ركعو وصلّو والعيون مدمّعا
حتى السما تردّ الخطر عن أربعا:
السبعلي، ميشال، إيليّا، نزار..
وراحو التلاتي، السبعلي عالخط صار..
مسافر لعند اللبّسو الكلمه حلا
الراحو واسم لبنان عا شفافن صلا..
عاشو كبار بهالدني وراحو كبار
مشتاق.. بيني وبينهن نقلة كنار!"
....
أسعد السبعلي،
* إشارة إلى الأب جان جبور والشاعر أسعد جوان