شيخ الغزل
2026.05.12
محمد قرفول
اذا جايي بشعري تمتحني
انا حروفي نجوم الليل هني
القصايد والمعنى ابتكاري
يا بنت الشعر شو بدك تمني
بطلع ع المنابر باعتباري
نبع الحلا والعطر المجني
عيار العقل ضيق عا عياري
يا اعلان ال باخراجو غبني
بكعب القايمة رغم اقتداري
نزل اسمي وبلا صورة بتجني
اجو الشعار ت يطوفو بمزاري
انا شيخ الغزل من زغر سني
اذا جربت اسرح مع فكاري
الصحرا القاحلة بتصير جنة
انا التاريخ داير في مداري
واسمي في الو طنة ورنة
خمر الوحي بيعبي جراري
وحروفي بعتقا ب حسن ظني
وهالة نور تبقى فوق داري
حتى تبعد العميان عني
وع كتر الوحي حدي صار جاري
يكتب شعر والنسمة تغني
وعلى كيفي صرت حوش قماري
بخد الحلو خد الورد حني
انا بركان لما تفور ناري
بحرق اخضر ويابس ﻷني
اذا بدي لهيب الشمس جاري
بقلا يا شمس اهدي وكني
بتهدا متل ما بدو اختياري
خيالي، القمر ابنو، الشمس كنة
متل تلميذ بتنفذ قراري
تكاغي متل طفلة حد مني
وعند ع الكون ما اشرق نهاري
طل الصبح عا نغمة كناري
يصدح لحن من لمعات فني..!