الشاعر محمد قرفول: بلادنا الحلوة (قصيدة)
2020.10.06
خاص- فينكس:
يا بلادنا الحلوة روابيكي
والخير كلو في بواديكي
مهما بحلاكي خرب الإجرام
بيضل رب الكون حاميكي
كرمال الله تفرحي يا شام
لا تدمعي ما بيلبق عليكي
للكون انتي مصدر الالهام
التاريخ كلو تحت إجريكي
ياما وياما بالفكر أعلام
فكرن تعتق في خوابيكي
ام الحضارة وشو مرق أقوام
والابجدية بعض ماضيكي
من وقت ما قدموس منك عام
بمراكبو وودع شواطيكي
خط الحروف وكتبت الأقلام
بوس ترابك تا يراضيكي
أحمد نبينا ودينا الاسلام
يوسف وموسى قدسو فيكي
عيسى المسيح ال بعد صلبو قام
فادي الخلايق كان راعيكي
وكل مين صلالك وزكا وصام
يدعي ل األله الخير يعطيكي
رح نحرسك مهما قسو الأيام
بتبقي يا سوريا ال ما بتنضام
أرضك عزيزة ومنية الأحلام
بولادنا وبالروح نفديكي