محمد قرفول: مأساة... لسان حال كل متقاعد أو موظف (قصيدة)
2020.08.23
انشقي يا أرض فيي، ابلعيني
ما عاد لي جلد ع العيشة اللعينة/ي
ل وردة وسّعت بالقلب مطرح
محلّا الهم عمرلي مدينة/ي
وصرت نكبات عم اجمع واطرح
نوايا سود مليانة ضغينة/ي
حتى الغدر سمّو صار مشلح
ع كتفي، يا سكاكين ادبحيني
ويا قلبي ان كنت قادر بعد تطرح
سؤالك، شو جرى وشو صار فيني
وحتى تفهم وما عود اشرح
كيف اليأس طاغي ع السكينة/ي
شايف فيه مين عايش مرحرح
مالو كيف جابو ما عنيني
واللي فاجر وتاجر وشبّح
اجاه المال عا ضهر السفينة/ي
وجيابي فاضيي والفقر مدبح
الحاجة ذل للنفس الرصينة/ي
عليي كشّر نيابو ونبّح
وحدّو صار متل (المجروينة/ي)
وحوش وفاجرة ت الستر تفضح
ما تركتلي حلو مر بسنيني
وكتر م دموع عا هالحال اسفح
وكتر م بكيت بين حالي وبيني
نشفت دمعتي وما عاد تسرح
انسكبي نهر دخلك ريحيني
ولا تبقي ملح جوا العين ملّح
حلاوة حلم، وبملحو كويني
حاجي مثّل واضحك وافرح
وحاجي ناشف الدم بوتيني
صرت عاجز م عاد لي حيل امسح
عن جبيني تجاعيدي وأنيني
ولا بموضوع قادر بعد أفلح
ولا مهنة قادرة تعبّي الخزينة/ي
ولا شي ضل تا بيعو وأربح
إلا شوية محبة وحنيني
تجارة خاسرة ومن دون مربح
الكون كبير كلو صار مسبح
وكل شي فايش وفاضي بيسبح
وكل الغارق جواهر ثمينة/ي