محمد قرفول: عمرك بعمر الورد (قصيدة)

ليكي الورد غيران

ساعة بيرجف برد

وساعة ندي وعرقان

وجنينة الأسرار مسيجة بالنار

ناطرا الزوار

وجوا الصدر بركان

وانتي ع كل مساكب الألوان

ترشي القوافي مدللة

يمكن إلك، عم أكتبك قصدان

يمكن إلي خلقتي قصيدة منزلة

والخد مدري ع الخجل حليان

مدري لأنو صار خدك شو حلي

وشعرك الطاير وزع الالحان

وعطر ال ع كرسي الخد عم يغلي غلي

ورمان، عا كتر الدفا حليان مغطى بلهفة عطرك ودفيان

ناطر شي أيد تقول هالموسم إلي..!

ملتقى عمريت الثقافي