محمد قرفول: قصيدة خاصة بملتقى عمريت الثقافي
2020.10.04
يا ملتقى عمريت شو بحبك
بنيت إلنا بيت ب قلبك
بالمحبة سيجت دارو
والورد يسكب عطر عا دربك
قلوب الحبايب مشتل زرارو
وبكل زر الحلا يتلبك
الاحباب زادو وزاد زوارو
كل المساكب فطمو وغارو
لما الربيع استوطن بعبك
يا ملتقى يا نبع للإبداع
من بعد ما عالكون صيتك ذاع
صار البنفسج يحضن النعناع
وكم الزنابق بالحبق شبك
ومنتور يتغاوى ع كتف السوسنة
و ع دراجك الياسمين مرتاح وهني
والعبق فواح وغمر كل الدني
والعطر ، ت يصفي عطر شربك
والحرف فتان ، الفكر طوفة
الالهام قلك متت من خوفي
كنت اهدي للشعر حرفي
نزل الوحي من غيرتو كتبك
عمريت من وهج الفكر طليت
طرت بجناح الموهبة وعليت
كل حرف فيك بينكتب ، كل بيت
بتخمن اللي كاتبو، ربك...!