محيرني فيك (أغنية)
2026.08.15
كلمات الشاعر محمد قرفول
جميع الحقوق محفوظة بموجب قانون الحماية الفكرية
من قلبي حبيتك
يا معلقني فيك
قلبي وروحي عطيتك
قلي شو بيرضيك
محيرني ومحير حالك
مدري شو بيخطر على بالك
كيف بتتغير احوالك
ما بقدر حاكيك
ساعة بشوفك رايق حدي
ع زنودك عاملي مخدة
كلما تبعد عني مدة
بدوّر ت لاقيك
وساعات بتهرب من دربي
لو مرة تقلي شو ذنبي
بتتركني وبتنسى حبي
كيف بهون عليك؟!
يا حبيبي ما بتعرف إني
بشتقلك يا قطعة مني
بُعدك عني اللي مجنني
وبعيوني بداريك
يا حبيبي الله يهديك!